Chit Pujan.
Ba
rumah ujung kampung, bisi siti rumah ti manah amat. Dalam rumah nya bisi siku
chit ti berani benama Pujan. Tubuh iya bechura chelum gelintum lalu idung iya
manchung bechura mirah.
Pujan
pansut ke luar meda langit ti amat biru nandaka ari sigi enda ujan pagi nya.
Iya meda bala anak bakih iya regas amat belanda kin kia.
“Lutur
Pujan, ulih nuan ngubat ini aku ti sakit nya?” tanya chit kuning ti benama Damu
nya.
“Au.
Bai kitu ini dek ke enda entu gerai nya kitu,” ku Pujan.
Dipeda
Pujan mua ini Damu nyau gadung laban ti deka luput asuh penyakit asma.
Ini
Damu lalu ngalika diri ba pun empasa ti begerugu laban ti sakit. Pujan laban ti
jampat sinu lalu ngubat ini Damu. Pujan rindu amat nulung orang ti tusah lalu
sida nadai bebayar berubat ba Pujan. Enda lama udah nya, ini Damu lalu gerai sereta
regas. Damu gaga amat ati laban damu amat sayau ke ini iya.
“Terima
kasih Lutur Pujan laban udah ngubat ini aku,” ku Damu.
“Sama-sama
Damu. Belajar manah-manah awakka pandai lalu nyadi lutur dudi ari ila,” ku
Pujan murus pala Damu.
No comments:
Post a Comment