Jaku Adjektif : Jaku Iban

Teks pandak.

Teks 1 Pagi ari satu, indai mai Siti ke sepital laban iya enda gerai. Siti masukka baju bechura gadung lalu kasut iya bechura chelum. Indai siti amat mentas enggau Siti laban Siti aja anak indu iya. Nangkanka nya, Siti tu orang ti pandai belajar lalu regas dalam main. Mua Siti nyau puchat laban ti takut betemu enggau lutur. Indai Siti bendar mujuk iya awakka iya nurun lalu madahka lutur ti ngubat iya nya manah sereta rindu ke anak mit.

Teks 2 Aku rindu nupi mayau. Mayau aku besai sereta gemu. Mayau aku benama Oren laban chura iya mansau. Mayau aku mega regas amat enti maya begagai enggau aku. Maya aku tusah ati, mayau mih ke selalu ngasuh aku gaga laban iya rindu bemain enggau aku. Sari siti, mayau kami lenyau. Aku berasai sinu amat sereta takut ke mayau kami mati. Taja pia, orang sepiak rumah kami manah ati laban nganjung baru Oren ti ditemu iya ba parit sekula.

Teks 3. Aku bisi kaban ti benama Barak. Barak rindu amat bemain bol. Iya mega pandai dalam kelas. Barak dikerindu ke pengajar laban iya chakah ngereja pengawa. Barak rindu ngena baju chelum maya bejalai. Barak pandai bekelulu lalu kami semampai gaga begulai enggau iya. Barak mega manah ati. Iya suah minjauka kami barang baka pemadam, pinsil enggau pengansah. Lebuh barak nadai datai sekula empai lama, kami amat irau ati nangika iya sakit tauka enda gerai. Kami sayauka Barak.